თქვენი სმენის აპარატები კვებას ელემენტებისგან იღებს. ხარისხიან სმენის აპარატს ხარისხიანი ელემენტები სჭირდება, რომ ეფექტურად იმუშაოს.

რამდენ ხანს ძლებს ელემენტები?

• სტანდარტული ელემენტები 3-22 დღემდე ძლებს, რაც დამოკიდებულია სმენის აპარატის ტიპზე, ელემენტის ტიპსა და მოცულობაზე და სმენის აპარატის გამოყენების სიხშირეზე.

როდის უნდა გამოვცვალო ელემენტები?

• გამოცვალეთ ელემენტები, თუ ხმები აღარ გესმით კარგად და ხმის აწევა გჭირდებათ.
• ზოგიერთი აპარატი გატყობინებთ, როცა ელემენტი ჯდება. როგორც კი შეგატყობინებთ, მაშინათვე გამოცვალეთ.
• ელემენტები შეიძლება მოულოდნელად დაიცალოს, ამიტომ მუდამ თან გქონდეთ ახალი ელემენტები.
• იმისთვის რომ თქვენი ელემენტები არ დაიცალოს, მოარიდეთ ისინი ხურდებს და სხვა მეტალის ნივთებს.

რა აქვს ელემენტს დაკრული?

• ყოველთვის იყიდეთ გაუხსნელი შეკვრა. დარწუნდით, რომ ელემენტზე დაკრულია დამცავი. როგორც კი დამცავს მოხსნით, ელემენტი იწყებს ფუნქციონირებას.

რა უნდა ვიცოდეთ ელემენტების გამოყენებასთან დაკავშირებით?

• შეინახეთ ელემენტები ოთახის ნორმალურ ტემპერატურაზე
• ნუ გაყინავთ
• ელემენტების გამოცვლამდე დაიბანეთ ხელები. ჭუჭყმა ელემენტებზე შესაძლოა დააზიანოს თქვენი სმენის აპარატი
• ღამით ღია დატოვეთ სმენის აპარატის ელემენტის ჩასადები, რომ გამოშრეს.
• დაცლილი ელემენტები არ ჩატოვოთ სმენის აპარატში.