ძალიან კარგი და ამასთანავე რთული კითხვაა. უამრავმა მიზეზმა შეიძლება გამოიწვიოს სმენის დაქვეითება. ზოგიერთი მათგანის პრევენცია შესაძლებელია, ზოგის კი არა. ყველა ამ მიზეზის და მათი თავიდან არიდების საშუალებების ჩამოთვლით ძალიან დიდი სტატია გამოგვივა. ამ თემებს სხვა სტატიას მივუძღვნით. დღეს კი დავწერ, რა უნდა გააკეთოთ, რომ თავი აარიდოთ სმენის დაქვეითების მეორე წამყვან მიზეზს ანუ მაღალი ხმით გამოწვეულ სმენის დაქვეითებაზე ვისაუბრებ.

იცოდით თუ არა, რომ ამერიკაში ყოველ მეოთხე მოზარდს აღენიშნება ხმაურით გამოწვეული სმენის დაქვეითება? კარგი ამბავი კი ის არის, რომ ბევრ სიტუაციაში თქვენ შეგიძლიათ საკუთარი სმენის დაცვა. საკუთარი სმენის დაცვით თქვენ მნიშვნელოვნად ამცირებთ ხმაურით გამოწვეული
სმენის დაქვეითების რისკს. ეს ასევე დაგეხმარებათ მომავალში თავიდან აირიდოთ სმენის დაქვეითების პირველი მიზეზი – ასაკობრივი სმენის დაქვეითება.

ქვემოთ მოცემულია რამდენიმე გზა, თუ როგორ დაიცვათ სმენა:

მოერიდეთ მაღალ ხმებს

ეს სმენის დაქვეითების თავიდან არიდების საუკეთესო გზაა. როგორ გავიგოთ, რა არის ძალიან ხმამაღალი? გარემო, სადაც სხვა ადამიანებთან სასაუბროდ ხმის აწევა გიწევთ, სადაც თქვენ არ გესმით ირგვლივ მყოფთა ხმა, სადაც ხმაური ყურებს გტკენთ ან 85 დეციბელს აღემატება, ძალიან ხმამაღალია. არ იცით, როგორ გაზომოთ დეციბელის დონე? გადმოწერეთ სტარკის
ხმის შესამოწმებელი აპლიკაცია თქვენი იოსისა ან ანდროიდის მოწყობილობებისთვის და გამოიყენეთ ის ნებისმიერ გარემოში დეციბელის დონის დასადგენად.

ატარეთ დამცავები

ზოგჯერ ჩვენ გვიწევს ისეთ ხამაღალ გარემოში მოხვედრა, რომლისთვისაც თავის არიდება უბრალოდ შეუძლებელია. მაგალითად: სამუშაო გარემო, სპორტული ღონისძიებები, კონცერტები, ბარები, კლუბები, სათიბის ხმა და ა.შ. ასეთ სიტუაციებში უნდა გამოიყენოთ ყურების სპეციალური დამცავები. ეს დამცავები ბევრნაირი სტილის არსებობს.

აკონტროლეთ ხმის სიმაღლე

დღესდღეობით ყურსასმენი ყველას აქვს, თუმცა იფიქრეთ მაღალი ხარისხის
ყურსასმენების შეძენაზე, რომლებიც ბლოკავენ გარშემო ხმებს და გეხმარებიან ხმაურიან გარემოში ხმის დონის დარეგულირებაში. თუ თქვენ ვერ ახერხებთ ერთი მეტრის სიშორეზე მყოფ ადამიანთან კომუნიკაციას, ე.ი. ძალიან ხმამაღალია ყურსასმენში შემოსული ხმა.

იყიდეთ დაბალხმიანი/წყნარი პროდუქტები

თქვენ ალბათ არასოდეს გიფიქრიათ რამდენად მაღალ ხმას გამოსცემენ თქვენი
საყოფაცხოვრებო ნივთები. ზოგიერთ პროდუქტს, როგორიცაა ბავშვის სათამაშოები, ბლენდერი ან თმის საშრობი, შეუძლია 100 დეციბელზე მეტს მიაღწიოს. ასეთ პროდუქტებს 15 წუთზე ნაკლებ დროში შეუძლიათ სმენა დაგიზიანონ.

ქვემოთ მოცემულია რამოდენიმე რჩევა, თუ როგორ უნდა ავირიდოთ სმენის დაქვეითება:

ნურაფერს ჩაიდებთ ყურებში

ყურს აქვს თვითწმენდის თვისება. ყურში სხვადასხვა პროდუქტების ჩადებით შესაძლოა გამოიწვიოთ ინფექცია ან დაიზიანოთ დაფის აპკი, რაც სმენის სამუდამო დაქვეითებას გამოიწვევს.

ნუ მოწევთ

კვლევებმა დაადასტურა კავშირი მოწევასა და სმენის დაქვეითებას შორის. უმჯობესია, თქვა არა!

იკვებეთ ჯანსაღად

კვლევებმა ასევე აჩვენა, რომ ქალები რომლებიც ჯანსაღად იკვებებიან ნაკლებად არიან სმენის დაქვეითების რისკის ქვეშ, ვიდრე ის ქალები, რომლებიც არ იკვებებიან ჯანსაღად.

შეიმოწმეთ სმენა

სმენის რეგულარული შემოწმება არაჩვეულებრივი გზაა, გავიგოთ, თუ როგორ მუშაობს თქვენი აუდიტორული სისტემა. ასევე, თქვენ შეძლებთ აკონტროლოთ თქვენი სმენა და ცვლილებების შემთხვევაში დროულად მიიღოთ ზომები.

ვერავინ მოგცემთ გარანტიას, რომ რამით შეძლებთ სმენის გარანტირებულად შენარჩუნებას, თუმცა მოცემული რჩევების გათვალისწინებით შესაძლებელია მისი თავიდან აცილება ან დაქვეითების ზრდის შემცირება.

სმენის დაქვეითებას ამჩნევთ? შეგიძლიათ ისარგებლოთ უფასო ვიზიტით სმენის ცენტრში და დარეკოთ წინასწარ: 599 99 71 05

თბილისი, აღმაშენებლის გამზ. 59
ქუთაისი, ლ. ასათიანის ქ. 54

წყარო: Starkey ბლოგი, 2018 წლის 20 ნოემბერი
https://www.reuters.com/article/us-health-hearing-smoking/smoking-tied-to-higher-risk-of-hearingloss-idUSKCN1GQ2FJ
https://www.nih.gov/news-events/nih-research-matters/healthy-diets-linked-lower-risk-hearing-loss-women