როგორ გავიგო, რომ ტინიტუსი მაქვს?

ტინიტუსი არის ყურში ზარის რეკვის, ბზუილის, სისინის შეგრძნება. ტინიტუსის სიმპტომები ყველა ადამიანს განსხვავებული აქვს, ზოგიერთ მათგანს ის მხოლოდ წყნარ ოთახში ყოფნისას ესმის, ზოგიერთს კი შეიძლება უწყვეტლივ ესმოდეს კონკრეტული ხმა. მთავარია, დავიმახსოვროთ, რომ ტინიტუსი სიმპტომია და არა დიაგნოზი. მნიშვნელოვანია სწორი დიაგნოზის დასმა სპეციალისტის მიერ.

შეუძლია თუ არა მედიკამენტს ტინიტუსის გამოწვევა?

დიახ, ტინიტუსი მედიკამენტების პოტენციური გვერდითი მოვლენაა, როგორებიცაა: ასპირინი, შარდმდენები, ანტიდეპრესანტები, ქიმიოთერაპიული ტაბლეტები და გარკვეული ანტიბიოტიკები.

ტინიტუსი მაქვს, როგორ მოვიქცე?

სამწუხაროდ ტინიტუსის გაკურნება შეუძლებელია, თუმცა შესაძლებელია ის ადვილად ასატანი გავხადოთ, სმენის სპეციალისტისა და ხმოვანი თერაპიის დახმარებით, რაც ბევრი ადამიანისთვის შვებას წარმოადგენს. ტინიტუსისადმი მიდგომა ყველა ადამიანისათვის ინდივიდუალურია, რადგან ყველას განსხვავებული სიმპტომი აქვს. დასაწყისისთვის აუცილებელია მიმართოთ სმენის სპეციალისტს.

თუ ტინიტუსი მაქვს, სმენაც მექნება დაქვეითებული?

უმეტეს შემთხვევაში, ტინიტუსი წარმოადგენს სმენის დაქვეითების სიმპტომს ან გვერდით მოვლენას, თუმცა შესაძლებელია ტინიტუსი სმენის დაქვეითების გარეშეც გქონდეთ. ტინიტუსი შესაძლოა აუდიტორული სისტემის დაზიანების პირველი ნიშანი იყოს.

შესაძლებელია თუ არა ტინიტუსის გამძაფრება?

ტინიტუსი შესაძლოა გაამძაფროს დიდი რაოდენობით კოფეინმა, მარილმა, სტრესმა, მაღალი ხმის ზემოქმედებამ ან ზოგიერთმა მედიკამენტმა.

ტინიტუსის დროს სმენის ტექნოლოგია ერთადერთი გამოსავალია?

სმენის ტექნოლოგია ტინიტუსის მკურნალობის ერთადერთი საშუალება არ არის, სხვა გზებიც არსებობს, მაგალითად, ტინიტუსის რეტრეინინგის თერაპია ან თუნდაც დიეტის შეცვლა. ერთი, რაც არ უნდა სცადოთ, არის მედიკამენტები, რომლებსაც ხშირად უკეთებენ რეკლამას. არ არსებობს რამე მტკიცებულება ამ მედიკამენტების ეფექტურობასთან დაკავშირებით.

სმენის ტექნოლოგიების მოხსნისას ტინიტუსი ისევ დამიბრუნდება?

ზოგ ადამიანს ტინიტუსი კვლავ უბრუნდება სმენის ტექნოლოგიების მოხსნის შემდეგ, ზოგ ადამიანს კი საგრძნობლად უმცირდება ის ხმები, რომლებიც ტექნოლოგიების მორგებამდე ესმოდა. შედეგი ყველა ადამიანისთვის განსხვავებულია.

შეკითხვებს უპასუხა Starkey-ის აუდიოლოგმა და ჯანმრთელობის უფროსმა ოფიცერმა, Dr. Archelle Georgiou-მ.

სმენის დაქვეითებას ამჩნევთ? შეგიძლიათ ისარგებლოთ უფასო ვიზიტით სმენის ცენტრში და დარეკოთ წინასწარ: 599 99 71 05

თბილისი, ც. დადიანის 307
ქუთაისი, ლ. ასათიანის ქ. 54